PISORTAT ANINGAASARTUUTAASA ANINGAASALERSORNEQARNERAT
Aningaasartuutinut aningaasaqartitsineq danskit naalagaaffiannit ataatsimut tapiissutinit, akileraarutinit akitsuutinillu aningaasalersorneqarput. Titartakkami 1-imi pisortat akileraarutitigut akitsuutitigullu iserttagaat takutinneqarput. Akileraarutit annertussusiat naatsorsorneqartarpoq akileraarutit akitsuutillu katinnerat BNP-mut sanilliullugit. 1986-miilli akileraarutit annertussusiat taamaaginnarsimavoq.
Titartagaq 1
Akileraarutit akitsuutillu
Najoqqutaq: Naatsorsueqqissaartarfik
1986-miit akileraarusersueriaaseq allanngungaarsimanngilaq, tamanna Titartagaq 2-mi takuneqarsinnaavoq. Isertitanit akileraarutit ingerlaavartut qaffasinnerpaartaapput tulliullutik nioqqutissiornermi eqqussinermilu akileraarutit.
Titartagaq 2
Akileraarutit akitsuutillu agguataarnerat
Najoqqutaq: Naatsorsueqqissaartarfik
Ataatsimut tapiissutit ukiumoortut 2011-mi 3,5 mia. kroninik annertussuseqarput. Taakkua pisortanit isertitat tamarmiusut 40 pct.-iinut naapertuupput. Namminersorneq pillugu isumaqatigiissut 2009-mi atortuulersinneqartoq naapertorlugu siunissami annertussusiata taamaaginnarnissaa aalajangerneqarpoq, Kalaallit Nunaata uuliamit aatsitassanilluunniit isaatitsilernissaata tungaanut.